ماذا تعرف عن حبس قارة بمكناس؟!
بعض المعلومات عن سجن قارا الموجود بالعاصمة الاسماعيلية مكناس ..
سجن قارا هو واحد السجن يوجد بمدينة مكناس تبنى فالقرن 18 فعهد المولى اسماعيل تصنف ما بين اخطر السجون لي كاينا فالعالم ، هاد السجن كاين تحت الارض و بالضبط تحت القصور الاسماعيلية هو مجهول المساحة الى يومنا هذا . المولى اسماعيل بنى هاد السجن باش يجمع فيه كاع السجناء بما فيهم الاجانب و من بين هاد الاجانب كان واحد السجين برتغالي خبير فأمور البناء الامر لي خلى المولى اسماعيل يطلب منو انشاء هاد السجن و واعدوا باش يعطيه الحرية ديالو و الغريب فالامر ان المولى اسماعيل طلب من البرتغالي باش يبني السجن بلا ابواب او يدير فقط ممر واحد سري كايخرج من السجن و اي سجين لقى هاد الممر فهو حر وداكشي لي دار البرتغالي .
سجن قارا تا شي واحد ماقدر يخرج منو ، فالسجن عبارة عن متاهة ، و آخر وحدين ختافاو فيه هم واحد البعثة فرنسية جات تكتاشف السجن و من مورا هاد الواقعة مباشرة قررت السلطات المغربية اغلاق السجن لتفادي فحال هاد الحوادث ديال الاختفاء ، و خلات واجهة واحدة منو مفتوحة من اجل السياح ، المهم دابا السؤال المطروح هو كيفاش كانو كايوصلوا للسجناء الماكلة و الماء ؟ المهم الطريقة هي ان السجن كانو عاندو فتحات بعيدة بزاف فالسقف من تماك كانوا كايلوحوا للسجناء الماكلة . المهم كاينا واحد الرواية كاتقول بلي سبب تسمية السجن بقارا راجع للاسم ديال البرتغالي لي بناه حيت سميتو قارا و هاد الرواية كايدعموها بزاف الباحثين .
اجي نرجعوا دابا للمساحة ديال السجن لي هي مجهولة الى يومنا هذا ، و لكن كاينين 3 ديال الروايات الاولى كاتقول ان السجن مساحتو هي مساحة القصور الاسماعيلية حيت كاين تحتها و الرواية الثانية كاتقول بلي السجن تحت مدينة مكناس كاملة و الرواية الثالثة كاتقول بلي السجن ضخم حيت يمتد من تازة شرقا و مراكش جنوبا وصولا الى بعض المدن الشمالية و لكن هادو كايبقاو غير روايات و فرضيات المساحة ديال السجن مجهولة كليا .
المحير فالامر هما واحد 3 ديال الروايات الاولى فيهم كاتقول بلي السجن كان مبني قبل و مني كتاشفو المولى اسماعيل طلب الترميم ديالو فقط و الفرضية الثانية كاتقول بلي هاداك ماشي سجن و لكن مدينة مغربية تبنات باش يتخباو فيها من الحروب و الكوارث الطبيعية و الفرضية الثالثة هي ان هاداك ماشي سجن و لكن غير بناء كانوا كايخبيو فيه المؤن و القمح و لكن كيف قلت قبل هادو مجرد روايات و صافي .